අපේ නිවසේ ඇති මුළුතැන්ගෙය කියල කියන්නේ නිවසේ තියෙන වැදගත්ම ස්ථානයක්. ඒ වගේම තමයි වාස්තු විද්යාවේදී විශේෂයෙන්ම සැලකිල්ලට යොමු වන ස්ථානයක්. මොකද මුළුතැන්ගෙය තමයි මුළු නිවසටම ශක්තිය සහ නීරෝගී සෞඛ්යයක් සපයන්නේ. මුළුතැන්ගෙය තුළ ඇති වාස්තු දෝෂ නිවසේ ඉන්න සියලුම සාමාජිකයන්ට සම්පූර්ණ බලපෑමක් ඇති කරනවා කිව්වොත් නිවැරදියි.
කොහොමහරි ඉතින් ඔයාලගේ ගෙදරත් උපයන සල්ලි ඉතිරි වෙන්නේ නැද්ද? හරි අපි දැන් බලමු ඇයි ඔයාලා උපයන සල්ලි ඔයාලට ඉතිරි කරගන්න බැරි කියලා. අපි බලමු මුලින්ම මොනවා ගැනද සැලකිලිමත් වෙන්න ඕනේ කියලා.
මුළුතැන්ගෙයි ආහාර පිසින කොට ගෘහණියක් හැම වෙලාවෙම ශුභවාදී දිශාවකට හැරිලා ආහාර පිසින්න ඕනේ කියලා වාස්තු විද්යාවේ සඳහන් වෙනවා. ඒ වගේම මුළුතැන්ගෙය තුළ යම් යම් වාස්තු දෝෂ තිබුනොත් අසුභවාදී ශක්තියෙන් හැම වෙලාවෙම නිවස තුළට පැමිණ ධන හානි ඇති කරන්න පුළුවන් කියලත් සඳහන් වෙනවා. වාස්තු ශාස්ත්රයට අනුව ඔබ මෙවැනි අතපසුවීම් නොවෙන්න තමයි වග බලාගන්න ඕනේ. ඒ වාස්තු දෝෂ ඇතිවීමට පමණක් නෙවෙයි මුළු පවුලටම අහිතකර බලපෑම් ඇති කරන්නත් සමත් වෙනවා.
අපි බලමු වාස්තු විද්යාවේ සඳහන් වන විශේෂ කරුණු මොනවද කියලා. මුළුතැන්ගෙය තුළ තියන්න හොඳ මොනවද? තියන්න හොඳ නැත්තේ මොනවද? අපි ඒ ගැන බලමු. වාස්තු විද්යාවට අනුව වැරදීමකින්වත් බෙහෙත් වර්ග මුළුතැන්ගෙය තුළ තියන්න එපා. ගොඩක් අය තමන්ට අමතක වෙන නිසා නියමිත වෙලාවට ගන්න කියලා මුළුතැන්ගෙය තුළ බෙහෙත් වර්ග තියාගන්නවා. ඒත් ඒවා තිබීම නිසා ඔයාගේ නීරෝගී සෞඛ්ය පිරිහෙනවා. මේ හේතුව නිසා නිවසේ ජීවත් වන කවුරුන් හරි කෙනෙක් නිතරම වගේ අසනීප වෙන්න පුළුවන්. ඒ වගේම අසුභවාදී ශක්තීන්ගේ බලපෑමද වැඩි වෙන්න පුළුවන්.
ඊළඟට අපි ඔබට කියන්න යන්නේ මුළුතැන්ගෙය තුළ තියෙන වැදගත්ම සාධක දෙකක් ගැන. ඒ තමයි ගෑස් උදුන සහ සිංක් එක. ගෑස් උදුන සහ සිංක් එක එකම දිශාවකට තියන්න හොඳ නැහැ. එහෙම තිබ්බොත් ඔබට සෑහෙන ප්රශ්න වලට මුහුණ දෙන්න සිද්ධ වෙයි කියලා තමයි වාස්තු විද්යාවේ සඳහන් වෙන්නේ. ගෑස් උදුන සහ සිංක් එක වෙනස් දිශාවන් වලට තමයි තියන්න ඕනේ. ගෑස් උදුන තියන්න වඩාත්ම සුදුසුයි කියලා කියන්නේ ගිනි කෝණ දිශාව. මොකද එය රාහු සිටින දිශාව නිසා. එමගින් ආහාර වල රසවත් භාවයත් වැඩි කරන නිසා.
ඒ වගේම සින්ක් එකට සුදුසුම දිශාව වයඹ දිශාව කියලා තමයි වාස්තු විද්යාවේ සඳහන් වෙන්නේ. අපි දැන් කියන්න යන්නේ තවත් වැදගත් කාරණාවක් ගැන. ඔබේ මුළුතැන්ගය තුළ කැඩී බිඳී ගිය භාජන වගේ දේවල් තියෙනවද? එහෙමනම් ඔබ වහාම ඒ දේවල් ඉවත් කරන්න ඕනේ. ඒ වගේ දේවල් භාවිතා කිරීම මගින් සෞඛ්යය වගේම ධන හානියද ඇති වෙනවා. ඒ වගේම පවුලේ සාමාජිකයන් අසාර්ථකත්වයටත් පත් වෙන්න ඉඩ තියෙනවා. කැඩී බිඳී ගිය මුළුතැන්ගයේ උපකරණ වලින් රාහු පිළිබිඹු කරන අතර එය දරිද්රතාවයේ සංකේතයක් වෙනවා.
කැඩී පිපිරී ඇති උපකරණ වල ආහාර ගැනීමත් දුප්පත්කම වැඩි කරන අතර වාස්තු දෝෂද ඇති කරන්න සමත් වෙනවා. ඔබ නිවසින් බැහැර කරන අපද්රව්ය හෝ කසල බඳුන් කොහෙද තියන්නේ? එය මුළුතැන්ගය තුළ තබා ගන්න නම් කිසිම වෙලාවක හිතන්න එපා. එහෙම කළොත් ඔබගේ පවුලේ සාමාජිකයන්ට එය අසුබවාදී විදිහට බලපෑම ඇති කරන්න පුළුවන්.
ඒ වගේම සෞඛ්යයටත් අහිතකර බලපෑම් ඇති කරන්න පුළුවන්. ඒ වගේම රැකියා ස්ථානයේත් මූල්යමය ගැටළු ඇති වෙන්න පුළුවන්. ඒ නිසා ඒ පිළිබඳව හොඳින් සැලකිලිමත් වෙන්න. වාස්තු විද්යාවට අනුව දෙවි රූප හෝ කැලැන්ඩර් මුළුතැන්ගේ තුළ එල්ලන්න හොඳ නැහැ.
එයට හේතුව අඟහරු ග්රහයාගේ බලපෑම මුළුතැන්ගේ වෙතට එක එල්ලේම යොමු වීමයි. ඒ වගේම ගුරුගේ බලපෑම අප වන්දනාමාන කරන දේවල් මතට වැටීමයි. මේ හේතු නිසා අඟහරු ග්රහයා ආක්රමණශීලී වීමෙන් කෝපය වර්ධනය වෙනවා. ඒ වගේම එය ධන හානියටත් හේතු වෙනවා. නමුත් ඔබට අන්නාපූර්ණ දේවතාවියගේ රූපයක් අවශ්යම නම් මුළුතැන්ගේ තුළ තියාගන්න පුළුවන්. අපි අද මේ කියලා දීපු දේවල් ගැන හොඳින් සැලකිලිමත් වෙන්න. ඉතින් අපි හිතනවා අපි අද ගෙනාව මේ ලිපිය මගින් ඔබගේ පවුලේ සාර්ථකත්වයට වටිනා උපදෙස් ලැබෙන්නේ නැති කියලා.
Comments
Post a Comment