ලොව සියලු නිවෙස්වල තිබෙන නැවුම් හා සුරක්ෂිතව තබා ගන්නා නිවසේ තිබෙන වැදගත් උපකරණයක් තමයි ශීතකරණය කියල කියන්නේ. නමුත් විවිධ වූ පිසු සහ නොපිසු ආහාර, එළවළු, මස්, මාළු වැනි දෑ එකට ගබඩා කිරීම නිසා හෝ යම් ආහාරයක් නරක් වීම නිසා ශීතකරණය තුළ අප්රසන්න දුර්ගන්ධයක් හට ගැනීම ඉතාමත් සාමාන්ය දෙයක්.
මෙම දුර්ගන්ධය ඉවත් කිරීමට වෙළෙඳ පොළේ ඇති රසායනික ද්රව්ය භාවිතා කිරීමට වඩා අපගේ නිවසේ දීම සාදාගත හැකි කෝපි කුඩු භාවිතා කිරීම ඉතාමත් සාර්ථක, පරිසර හිතකාමී සහ සෞඛ්යයට ආරක්ෂිත විසඳුමක්.
කෝපි කුඩු මගින් දුර්ගන්ධය නැති වෙන්නේ කොහොමද?
කෝපි කුඩු යනු ස්වභාවික ලෙස දුර්ගන්ධයන් උරාගන්නා විශිෂ්ට ද්රව්යයක්. කෝපි වල අඩංගු නයිට්රජන් මගින් වාතයේ ඇති දුර්ගන්ධයට වගකිව යුතු ප්රධාන රසායනිකයක් වන සල්ෆර් වායුව උදාසීන කරනවා. එසේම කෝපි කුඩු වල ඇති සාන්ද්රණය වූ සිදුරු සහිත ස්වභාවය නිසා ශීතකරණය තුළ සංසරණය වන නරක ගඳ උරා ගැනීමේ හැකියාවක් තිබෙනවා.
එමගින් දුර්ගන්ධය මගහැර මුළු ශීතකරණය පුරාම ඉතා ප්රසන්න, සූක්ෂම කෝපි සුවඳක් පැතිර යනවා.ශීතකරණයට කෝපි කුඩු භාවිතා කරන්නේ කොහොමද?
කෝපි කුඩු මගින් ශීතකරණයේ දුර්ගන්ධය නැති කර ගැනීමට ක්රම කිහිපයක් භාවිතා කරන්න පුළුවන්
වියළි කෝපි කුඩු පිඟානක තැබීම
භාවිතා නොකළ අලුත් කෝපි කුඩු හෝ භාවිතා කළ කෝපි කුඩු හොඳින් අව්වේ වියලා ගන්න. පසුව එම වියළි කෝපි කුඩු මේස හැඳි තුනක් හතරක් කුඩා පිඟානකට හෝ කෝප්පයකට දමා ශීතකරණයේ පසුපස කොටසින් තබන්න.
සිදුරු සහිත බෑග් හෝ රෙදි කැබලි භාවිතය
කෝපි කුඩු හැලීම වැළැක්වීම සඳහා ඒවා කුඩා මේස් එකකට හෝ සිදුරු සහිත තුනී රෙදි කැබැල්ලකට දමා ගැට ගසා ශීතකරණයේ තට්ටුවලින් තබන්නට පුළුවන්.
ශීතකරණය සම්පූර්ණයෙන්ම ශුද්ධ කිරීම සඳහා
ශීතකරණයේ ඉතා තදබල දුර්ගන්ධයක් ඇත්නම් මුලින්ම ශීතකරණය ක්රියාවිරහිත කර එහි ඇති සියලුම ආහාර ද්රව්ය ඉවත් කරන්න. පසුව කෝපි කුඩු තැටියක් ශීතකරණය තුළ තබා පැය කිහිපයක් වසා තබන්න. එමගින් ඇතුළත රැඳී ඇති සියලුම නරක ගඳ ඉවත් වෙනවා.
විශේෂයෙන් සැලකිලිමත් විය යුතු කරුණු
තෙතමනය සහිත කෝපි කුඩු භාවිතා නොකරන්න
තෙත කෝපි කුඩු ශීතකරණය තුළ තැබීමෙන් ඒවායේ ඡස්ම/පුස් (mould) බැඳීමට ඉඩ තිබෙනවා. එම නිසා සෑම විටම හොඳින් වේලාගත් කෝපි කුඩු පමණක් භාවිතා කරන්න.
කාලානුරූපව මාරු කරන්න: එකම කෝපි කුඩු එක දිගටම තබා නොගෙන සති දෙකකට හෝ තුනකට වරක් අලුත් කෝපි කුඩු වලට මාරු කරන්න.
ඉවත් කරන කෝපි කුඩු අපතේ යවන්න එපා: ශීතකරණයෙන් ඉවත් කරන කෝපි කුඩු විසි නොකර ගෙවත්තේ සිටුවා ඇති ශාක සඳහා ඉතා හොඳ කාබනික පොහොරක් ලෙස භාවිතා කරන්න පුළුවන්.
ශීතකරණයෙන් එන දුර්ගන්ධය ඉවත් කිරීමට කෝපි කුඩු යනු ඉතා අඩු පිරිවැයකින් සහ පහසුවෙන් කරගත හැකි අද්විතීය රහසක්. කෘතීම සුවඳ කාරක මගින් ආහාර වලට විය හැකි හානිය වළක්වා ගනිමින් ඔබේ ශීතකරණය සෑම විටම පිරිසිදුව හා නැවුම්ව තබා ගැනීමට අදම කෝපි කුඩු ස්වල්පයක් භාවිතා කර බලන්න.
Comments
Post a Comment