ඔයාගේ මුදල් පසුම්බිය කියන්නේ නෝට්, කාසි සහ බැංකු කාඩ්පත් දාන්න තියෙන එක විතරක් නෙමෙයි. ඒක තමයි ඔයාගේ මුදල් සහ ඊට අදාල සියලුම දේවල් වල නිවහන. මිනිස්සුන්ට මුදල් ආකර්ෂණය වෙන්න නම් ඒවා වලට ගෞරවාන්විතව අගය කිරීමකින්, කෘතගුණ දැක්වීමකින් කටයුතු කරන්න ඕනේ. ඉතින් අද අපි වීඩියෝ එකෙන් කියන්න යන්නේ, සෞභාග්ය සහ වාසනාව ලබා ගන්න නම් ඔයාගේ බෑග් එකේ හෝ මුදල් පසුම්බියේ මොන වගේ දේවල්ද තියාගන්න ඕනේ කියලා. මොනවද මේ බෑග් එකේ හෝ මුදල් පසුම්බියේ තියාගන්න ඕනේ?
පැති අටක් සහිත කුඩා කණ්ණාඩියක්
මේ පැති අටක් සහිත කණ්ණාඩිය මගින් ඔයා වෙතට අසුබ ශක්තීන් පැමිණීම වළක්වනවා. ඒ වගේම පවුල අතරේ සමගිය වර්ධනය වෙලා ඔයා වෙතට මුදල් ගලා ඒමයද වැඩි කරනවා. මුදල් වල ඇති ශක්තිය මේ කණ්ණාඩි මගින් වැඩි කරනවා. වාස්තු විද්යාවේ සහ ෆෙන්ෂුයි ශාස්ත්රයේ මේ පැති අටක් සහිත කණ්ණාඩිය ඉතාමත්ම වැදගත් දෙයක් විදිහට සලකනවා. කොයිම වෙලාවකවත් හිස් මුදල් පසුම්බියකට හෝ බෑග් එකකට මේ පැති අට සහිත කණ්ණාඩිය දාන්න එපා. මොකද එයින් ඔයාට මුදල් නැති වීම තමයි වැඩි කරන්නේ. කොයිම වෙලාවකවත් ෆෙන්ෂුයි ශාස්ත්රයේ ඉතා ප්රසිද්ධ බගුවා කණ්ණාඩිය මුදල් පසුම්බියේ හෝ බෑග් එකේ කිසිම දේක දාන්න එපා. මොකද එය කිසිම විටක ඇතුලට හෝ ගෘහස්ථව භාවිතා කරන්න හොඳ නැති කණ්ණාඩියක් නිසා.
ඩොලර් එකේ නෝට්ටුවක් (හෝ ඩොලර් 20 ක නෝට්ටුවක් / රුපියල් 20 ක නෝට්ටුවක්)
සුදු පැහැ පසුම්බියක තමයි මේවා දාන්න ඕනේ. මේ මුදල් පාවිච්චියට ගන්න එපා. එය පුළුවන් නම් රිදී පැහැති කොළයක ඔතලා තමයි ඔයාගේ මුදල් පසුම්බියට දාන්න ඕනේ.
සහල්
කඩදාසි වලින් සෑදූ කුඩා බෑගයකට සහල් ඇට 21 ක් දාලා ඔයාගේ පසුම්බියේ දාන්න. මෙයින් ඔයාගේ අනවශ්ය වියදම් නැති කරනවා. මේ සහල් ඇට කීපය නිසා ඔයාගේ පවුල සමෘද්ධිමත් වෙනවා. එයින් අදහස් වන්නේ කිසි දිනක ඔයාගේ ජීවිතයට ආහාර හිඟයක් නම් ඇතිවෙන්නේ නැහැ කියලා.
ෆෙන්ෂුයි කාසි
මේ චීන වාසනාවන්ත කාසි වල තියෙන හොඳම ගුණය තමයි සරල බව. මේ කාසි සෞභාග්ය සහ වාසනාව සංකේතවත් කරනවා. මේ චීන කාසි තුන හදලා තියෙන්නේ ලෝහ වලින්. ඒවා රතු රිබන් පටියකින් එකට බැඳලා තියෙන්නේ එහි බලය වැඩි කිරීම සඳහා. ඔයාට මේ කාසි තුන රතු රිබන් පටියකින් ඔයාගේ පසුම්බියේ එල්ලා ගන්න පුළුවන්. ඔයා නිවසේ සිට වැඩ කරන කෙනෙක් නම් ඔයාට පුළුවන් මේ කාසි ඔයාගේ ලැප්ටොප් එක හෝ පරිගණකය යටින් තියලා වැඩ කරන්න. ඒ වගේම කාර්යාලයක නම්, ෆැක්ස් යන්ත්රයක් යටින් හෝ මුද්රණ යන්ත්රයක් යටින් තියන්න පුළුවන්.
ඕවලාකාර සුදු ගල්
මේ ඕවලාකාර සුදු ගල් ඔයාගේ පසුම්බියේ තැබීමෙන් ධනාත්මක බව සහ සතුට ඔයාට ලැබෙනවා. එයින් ඔයා වටා ඇති ධනාත්මක භාවය වැඩි කරනවා. ඉතින් ඔයාට ඕන නම් පුංචි ආභරණයකට මේ සුදු ගල යොදලා භාවිතා කරන්නත් පුළුවන්. එයින් ඔයාගේ සතුට වැඩි වෙනවා.
ලස්සන පුංචි ටසල්
මෙය ෆෙන්ෂුයි ශාස්ත්රයේදී ඔයාගේ බෑග් එකේ එල්ලන්න ඉතා සුභ දෙයක් විදිහට සඳහන් වෙනවා. මතක තියාගන්න, මේවා අලුත් වෙන්න ඕනේ. පරණ කැඩුනු ටසල් එල්ලන්න එපා.
ඉතින් මේ හැම දෙයක්ම ඔයාට පහසුවෙන් කරන්න පුළුවන් දේවල් නිසා මෙයින් එකක් හෝ කීපයක් උත්සාහ කරලා බලන්න.
Comments
Post a Comment