තමන්ගේ පුංචි දුවත් එක්ක වලකට බැහැලා සෙල්ලම් කරන මේ තාත්තා එහෙම කරපු හේතුව දැනගත්තම හැමෝම අඬන්න පටන් ගත්තා..
- Get link
- X
- Other Apps
ලෝකයේ තියෙන අමාරුම දේ මොකක්ද කියලා කවුරු හරි ඔබෙන් ඇහුවොත්, ඔබ මොකක් කියයිද? ජීවත් වෙන්න සල්ලි හොයන එක, ලෙඩ රෝග එක්ක සටන් කරන එක, එහෙමත් නැත්නම් ආදරේ කරන අයගෙන් වෙන් වෙන එක? හැබැයි මේ ලෝකයේ මනුස්සයෙක්ට විඳින්න පුළුවන් අතිශය වේදනාකාරී, හදවත කැබලිවලට කැ ඩි ලා යන අත්දැකීම මොකක්ද කියලා ඇහුවොත්... ඒකට උත්තරේ තියෙන්නේ චීනයේ එක පුංචි ගම්මානයක.
තමන්ගේ රත්තරන් දුව තව ටික දවසකින් තමන්ව දාලා යන්න යනවා කියලා දැන දැනම, එයා අවසානයට සැතපෙන සොහොන් වළ තමන්ගේ අත් දෙකෙන්ම කපලා, ඒ වළ ඇතුළේ දුවත් එක්ක හිනාවෙවී සෙල්ලම් කරන තාත්තෙක් ගැන ඔබට අහන්න ලැබුණොත් ඔබේ හදවතට මොන වගේ හැඟීමක් දැනෙයිද?
මේක නිකන්ම නිකන් හදාගත්ත කතන්දරයක් නෙවෙයි. මේක චීනයේ සිචුවාන් ප්රදේශයේ ජීවත් වෙන ෂැං ලියොං කියන අසරණ තාත්තගේ සහ එයාගේ අවුරුදු දෙකක පුංචි දෝණි, ෂැං සින්ලෙයිගේ ඇත්තම ඇත්ත කතාව.
පුංචි සින්ලෙයි උපදින්නේ මුළු පවුලටම මහ මෙරක් තරම් සතුටක් අරගෙන. ඒත් ඒ සතුට වැඩි දවසක් පවතින්නේ නැහැ. උපතින් මාස කිහිපයකට පස්සේ මේ පුංචි පැටියා තැලසීමියා කියන ද රු ණු රෝගයට ගොදුරු වෙලා කියලා වෛද්යවරු කියනවා. තැලසීමියා කියන්නේ තමන්ගේ ඇඟ ඇතුළේ නිසි ලෙස හිමොග්ලොබින් නිෂ්පාදනය කරන්න බැරි වෙන, නිරන්තරයෙන්ම වෙනත් කෙනෙක්ගේ ලේ ලබා දෙන්න සිද්ධ වෙන හරිම සංකීර්ණ, වේදනාකාරී ලෙඩක්.
ඉතින් එදා ඉඳන් මේ අසරණ අම්මයි තාත්තයි තමන්ගේ කෙල්ලගේ ජීවිතේ බේරගන්න නොකරපු දෙයක් නැහැ, නොගිය දේවාලයක් නැහැ, අවුරුදු දෙකක් තිස්සේ තමන් සතුව තිබ්බ හැම සතයක්ම, ඉඩකඩම්, රන් භාණ්ඩ විතරක් නෙවෙයි... අඳුරන, නොඅඳුරන හැමෝගෙන්ම ණයට ඉල්ලගෙන ඩොලර් 12,000කට වඩා වැඩි මුදලක් මේ පුංචි කෙල්ලගේ බෙහෙත්වලට වියදම් කරනවා. හැබැයි අන්තිමේදී ඒ අසරණ දෙමව්පියන්ට ඉතිරි වෙන්නේ හිස් අත විතරයි. තවත් ණය වෙන්න කෙනෙක් නෑ, විකුණන්න දෙයක් නෑ, සත පහක්වත් අතේ නෑ.
වෛද්යවරු කියන්නේ මේ පුංචි දෝණිගේ ජීවිතේ බේරගන්න තියෙන එකම විදිහ ඇටමිදුලු බද්ධ කිරීමේ සැත්කමක් විතරයි කියලා. ඒත් ඒකට යන වියදම දැක්කම ඒ අසරණ තාත්තට අහස කඩාගෙන වැටුණා වගේ වෙනවා. මොකද ඒ සැත්කමට විතරක් ඇමරිකානු ඩොලර් 70,000කට වඩා විශාල මුදලක් අවශ්ය වෙනවා. දිනපතා කුලී වැඩක් කරලා බඩවියත රැකගන්න අසරණ තාත්තෙක්ට මේ වගේ මුදලක් කියන්නේ හීනයක්වත් හිතන්න බැරි තරම් විශාල ගණනක්.
අන්තිමේදී බෙහෙත් කරන්න සල්ලි නැතුව, කරන්න කිසිම දෙයක් ඉතිරි නොවෙද්දී, ඒ තාත්තා ගන්නේ හදවත නතර වෙන ජාතියේ තීරණයක්.
එයා තමන්ගේ ගෙදරට ටිකක් එහායින් තියෙන එළිමහන් බිමකට ගිහින් උදැල්ල අරගෙන පස් හාරන්න පටන් ගන්නවා. එයා කපන්නේ වෙන කාගෙවත් වළක් නෙවෙයි. තවමත් හිනාවෙවී, එයාගේ ඇඟේ එල්ලි එල්ලි සෙල්ලම් කරන තමන්ගේම අවුරුදු දෙකක රත්තරන් දෝණි වෙනුවෙන් සොහොන් වළක්
හිතලා බලන්න, තමන්ගේම ලෙයින් උපන්න දරුවා නැතිවෙන්න යනවා කියලා දැන දැන, ඒ දරුවා අතහැරලා යන්න තියෙන තැන තමන්ගේම අත් දෙකෙන් හාරද්දී ඒ තාත්තගේ හදවත කොච්චර නම් කෑලි කෑලිවලට කැඩිලා යන්න ඇත්ද? ඒ උදැල්ල පස්වල වදිද්දී පස් කපන්නේ නැතුව එයාගේ හදවතම කපනවා වගේ දැනෙන්න නැත්ද?
හැබැයි මේ තාත්තා මේ දේ කරන්නේ කලකිරීමෙන්වත්, දරුවාගෙන් බේරෙන්නවත් නෙවෙයි. ආදරේ වැඩිකමට.
වළ කපලා ඉවර වුණාට පස්සේ මේ තාත්තා හැමදාම හවසට තමන්ගේ පුංචි දෝණිව වඩාගෙන ඒ සොහොන් වළ තියෙන තැනට යනවා. ගිහින් ඒ පස් ගොඩ උඩ, ඒ වළ ඇතුළේ දුවවත් තියාගෙන එක එක සෙල්ලම් කරනවා. බෝල ගහනවා, හිනස්සනවා, දුවව වඩාගෙන බදාගෙන ඉඹිනවා. හරියට තාත්තලා තමන්ගේ දුවලව පාක් එකකට අරන් ගිහින් සෙල්ලම් කරවනවා වගේ.
පුංචි සින්ලෙයි තාමත් හරිම අහිංසකයි. එයා දන්නේ නැහැ තමන් මේ සෙල්ලම් කරන්නේ තමන්ගේම අවසාන නවාතැන උඩ කියලා. එයා හිතන්නේ මේක තාත්තා තමන්ට සෙල්ලම් කරන්න හදලා දීපු අලුත් සෙල්ලම් ගෙදර කියලා. එයා ලස්සනට හිනාවෙනවා, තාත්තගේ අතේ එල්ලෙනවා, ඒ පස් ගොඩවල් උඩ දිව යනවා.
හැබැයි ඒ අසරණ තාත්තා සත්යය හොඳටම දන්නවා. එයා දුවව වඩාගෙන ඒ වළ ඇතුළේ වාඩි වෙලා, දුව හිනාවෙන දිහා බලාගෙන ඇස්වලින් කඳුළු කැට කඩාගෙන වැ ටෙ ද්දී මෙහෙම කියනවා...
"තව ටික දවසකින් මගේ දූට සිද්ධ වෙන දේ නතර කරන්න මට බැහැ. මට එයාගේ ජීවිතේ බේරගන්න තරම් සල්ලි නැහැ. හැබැයි එයා මේ ලෝකෙන් යන දවසට, මේ කළු පාට කළුවර වළ ඇතුළට බැස්සම එයාට බයක් දැනෙන්න හොඳ නැහැ. මේක එයාට අමුතු තැනක්, බය හිතෙන තැනක් වෙන්න හොඳ නැහැ. මෙතන එයාට හුරුපුරුදු, එයා සෙල්ලම් කරපු, ආරක්ෂිත තැනක් වෙන්න ඕනේ. අන්න ඒ නිසයි මම එයාට මෙතන පුරුදු කරන්නේ. මෙතන තමයි එයාට අමාරුවක් නැතුව නිදහසේ සැතපෙන්න තියෙන තැන. මට දැන් කරන්න පුළුවන් එකම දේ, එයා යන්න කලින් එයාගේ තනියට හැම තත්පරයක්ම එයා ළඟින් ඉන්න එක විතරයි..."
දෙවියනේ, ඒ වචන ටික කියද්දී මොන තරම් නම් පපුව පතුලෙන්ම ද ව න වේදනාවක් ඒ තාත්තට දැනෙන්න ඇත්ද? තමන්ගේ දරුවා බය වෙයි කියලා, සොහොන් වළ පවා දරුවට හුරුපුරුදු කරවන තරම් අසීමිත, ගැඹුරු ආදරයක් මේ ලෝකේ වෙන කොහෙන් නම් හම්බවෙන්නද?
මේ අතිශය සංවේදී පුවත සහ ඒ අසරණ තාත්තා දුව එක්ක වළ ඇතුළේ සෙල්ලම් කරන වීඩියෝව, පින්තූර අන්තර්ජාලයට එක්වීමත් එක්කම මුළු ලෝකයේම අවධානය මේ අසරණ පවුල දෙසට යොමු වුණා. දහස් ගණන් මිනිස්සු මේ අසරණ තාත්තගේ ආදරේ දැකලා ඇ ඬු වා. ඒ විතරක් නෙවෙයි, ලෝකය පුරාම ඉන්න කරුණාවන්ත මිනිස්සු එකතු වෙලා මේ පුංචි දෝණිගේ ජීවිතේ බේරගන්න අරමුදල් එකතු කරන්න පටන් ගත්තා.
ඒ මනුස්සකමේ බලය නිසාම, දින කිහිපයක් ඇතුළත ඒ පුංචි දෝණිගේ සැත්කමට අවශ්ය මුළු මුදලම එකතු කරගන්න ඒ අසරණ දෙමව්පියන්ට පුළුවන් වුණා. මරණය අභියසටම ගිහින්, සොහොන් වළේ සෙල්ලම් කරපු පුංචි සින්ලෙයිට අවසානයේදී ජීවත් වෙන්න අලුත් බලාපොරොත්තුවක් ලැබුණා
සමහර වෙලාවට ලෝකේ අන්ත අසරණම තැනදී, කිසිම එළියක් නැතිම කළුවරේදී පවා ආදරයට පුළුවන් වෙනවා පුදුම දේවල් කරන්න. මේ තාත්තා තමන්ගේ දුවට දක්වපු ඒ සීමාවක් නැති අසීමිත ආදරය නිසාමයි, මුළු ලෝකයේම මනුස්සකම අලුතින් අලුත් වෙලා ඒ පුංචි දෝණිගේ ජීවිතය බේරගන්න පාර කැපුණේ.
මව්පියන්ගේ ආදරය කියන්නේ මේ විශ්වයේ තියෙන මහා බලගතුම, ශක්තිමත්ම දේ. මේ කතාව කියවපු ඔයාටත් ඇසට කඳුළක් ආවා නම්, තමන්ගේ දරුවන් වෙනුවෙන් මෙලොව ඕනෑම කැපකිරීමක් කරන ලෝකයේ සියලුම අම්මලා, තාත්තලා වෙනුවෙන් මේ සටහන Share කරලා ඒ උතුම් ආදරයට ප්රණාමය පුද කරන්න.
- Get link
- X
- Other Apps

Comments
Post a Comment