මජන් ගෑවුන රැකියාවක් කරන නිසා කොල්ලව අත ඇරපු කෙල්ලට වසර 7කට පසු දෙවියන් සිහිවෙයි
- Get link
- X
- Other Apps
මේනකාට සම්පත්ව මුලින්ම හම්බවෙද්දී ඇය සාමාන්ය පෙළ විභාගය ලියන්න අමතර පන්ති යනවා. සම්පතුත් මේනකාත් යාළුවන් විදිහට මුලින් හදුනා ගත්තත් කාලයත් එක්ක යහළුකම යහළුකමක් විදිහට විතරක්ම පවත්වාගෙන යන්න නව යොවුන් විය ඔවුන්ට ඉඩ දුන්නේ නැහැ.
කුලුදුලේම පෙම්වතුන් බවට පත්වෙන ඔවුන් දෙන්නා ඊට පස්සේ සාමාන්ය පෙළට පන්ති ගියේ එකටමයි. සම්පත් පොඩි කාලේ ඉඳන්ම දුකට හුරු ජීවිතයකට උරුමකම් කියපු කෙනෙක්. තාත්තා පොඩි කාලෙම ඔවුන්ව දාලා නොයෙන ගමන් ගියාට පස්සේ සම්පත්ගේ අම්මා තමයි පවුලේ බර කරට ගත්තේ.
අහුවෙන මොකක් හරි රස්සාවක් කරපු සම්පත්ගේ අම්මා සම්පත්ට පුළුවන් විදිහට ඉගෙනීම් කටයුතුවලට වියදම් කළා. සම්පත්ට අනෙක් ළමයින්ට වගේ සාමාන්ය පෙළට විශයන් කිහිපයකට අමතර පන්ති යන්න සල්ලි තිබ්බේ නෑ. ඔහු පන්ති ආවේ ගණිතය විශයට විතරයි. ඒ වගේම සම්පත් අධ්යාපනයට ලොකු දස්කමක් දැකවූවෙත් නැහැ.
මේනකාට මහ ලොකු සල්ලියක් නැතත් හොදට කාල බීල ඇදල ඉන්න හැකියාව තිබුණු පවුලක එකම දරුවා. මේනකාගේ තාත්තත් හොද රැකියාවක් කරපු නිසා ඔවුන්ට ලොකු ආර්ථික ගැටලු තිබුණේ නැහැ. ඒ වගේම මේනකා අධ්යාපනයට දස්කම් දක්වපු සිසුවියක්.
ඉතින් කාලෙත් එක්කම සාමාන්ය පෙළ විභාගය දෙන්නම එකට ලියලා ප්රථිපල එනකම් හිටියා. සම්පත් සාමාන්ය පෙළ A9 අරගෙන සමත් වෙනවා. විභාග ප්රථිපල දැනගත්තට පස්සේ මේනකා සම්පත් හොයාගෙන යනවා. " නියමයි සුදූ ඔය විදිහට කැම්පස් යන්න වැඩ ටික කරන්න" ඇය මේ විදිහට කියන්නේ සිත පුරා පුරව ගත්තු සතුටකින්.
කොහොමහරි ඉතින් සාමාන්ය පෙළ විභාගය සමත්වෙන මේනකාත් උසස් පෙළ විභාගය ඉහළින්ම සමත්වෙලා සරසවි වරම් ලබා ගන්නවා . තිබෙන ආර්ථික අපහසුතා නිසාවෙන්ම සම්පත් සාමාන්ය පෙළ විභාගය ඉවරවෙල රැකියාවක් කරන්න පටන් ගන්නවා. ඒ ගරාජ් එකකයි.<\P>
ඊට පස්සේ මේනකා කැම්පස් යන්න බෝඩිමක නතර වුනාම සම්පත්ට ඇයව නිතර හම්බ වෙන්න බැරි වුණා. හැබැයි මේනකාගේ අධ්යාපන වැඩ වලට සම්පත් සල්ලි වලින් ගොඩක් වෙලාවට උදව් කරා. ඔහොම කාලේ ගෙවිලා යද්දී සම්පත්ට තේරුණා මේනකා තමන්ව ටිකක් මග අරින බව. සෑහෙන කාලෙකට පස්සේ මේනකා සම්පත්ව බලන්න ආවා.
" සම්පත් මට දැන් ළඟදී රජයේ රස්තාවකුත් ලැබෙන්න තියෙනවා. අපේ ගෙදරින් ඔයා දන්නවනේ. ඔයාට කවදාවත් කැමති වෙන්නේ නැහැ කියලා. ඔයාගේ ජොබ් එක දැනගත්තහම ඒ නිසා ඔයා වෙන ජොබ් එකක් හොයාගන්න. එතකන් ටික දවසකට අපි මේ සම්බන්ධය නවත්වමු.
මේනකාගේ වචන වලට සම්පත්ගේ හදවත දුකින් පිරී ගියා. ඔහුට ඔහු ගැනම ලොකු කලකිරීමක් ඇති වුණා. ගෙදර ඇවිත් සම්පත් හොඳටම ඇඬුවා. ඇයි අම්මේ අපි මෙහෙම දුප්පත් වෙලා ඉපදුනේ? සම්පත් ළඟට ඇවිත් ඔහුගේ ඔලුව අතගාපු අම්මාගෙන් ඔහු ඇස්වල කඳුළු පුරවන් ඇහුවා.
තමන්ගේ පුතාගේ දුක තේරුම් ගන්න අම්මා කෙනෙක්ට අමුතුවෙන් ඇස්වල කඳුළු දකින්න ඕනෙත් නැහැ. සම්පත්ගේ ඔලුව අතගාන ගමන් අම්මා සම්පත්ට හොඳ අවවාදයක් දුන්නා.
පුතේ, අපි දුප්පත් වෙලා ඉපදුනා තමයි. ඒත් බලපන් උඹට හොඳ උත්සාහයෙන් වැඩ කරන්න පුළුවන්. උඹ හොඳට හිතලා වැඩ කරොත් අපිට මේ අපි වැටිලා ඉන්න දුප්පත්කමෙන් ගොඩ එන්න පුළුවන් නේද? හැමදාම අඬා අඬා ඉන්නේ නැතුව.
මේනකා අන්තිමට හම්බවෙලා මාස තුනකින් විතර ඇය විවාහ වුණ බව සම්පත්ට ආරංචි වුණා. සම්පත් තමන්ගේ දුක් නැති කරගන්න තව තවත් වැඩ කරා. මුළු දවසම වැඩ වලට සිත යෙදෙව්වා. ටික කාලයක් ඉතිරි කරගත්ත මුදල් වලින් ඔහු දවසක් පරණ වාහනයක් ගෙනාවා. ඒකට තව සල්ලි ටිකක් දාලා හොඳට හදලා විකුණුවා. සම්පත්ට ඒකෙන් හොඳ ලාභයක් ලැබුණා.
සම්පත්ට සාර්ථකත්වය ඉව දැනෙන්න ගත්තා. එක වාහනයක් වෙනුවට වාහන කිහිපයක් මුදල් වලින් කොටසක් දීලා අඳුනන පුද්ගලයන්ගෙන් ගත්තු සම්පත් ඒවා හොඳට හදලා හොඳ ලාභයක් තියන් විකුණන්න ගත්තා. අවුරුදු හතක් යනකොට සම්පත් ව්යාපාර කිහිපයකම හිමිකරුවෙක් වුණා.
දවසක් මුහුදු වෙරළට වෙලා නිදහසේ ඉන්න තමන්ගේ මෝටර් රථයෙන් ගිය සම්පත්ට මේනකාව හම්බුනා. අඳුනන්න පුළුවන්ද? සම්පත් මේනකාට ලංවෙලා ඇහුවා.
" ආ සම්පත් කොහොමද ඉතින්? කොච්චර කාලෙකින්ද? ඔයා කවදාවත් මම කියපු විදිහට වෙනස් වුනේ නැහැ. හැමදාම එකම තැනමනේ හිටියේ. ඉතින් මම මැරි කරා. තාමත් අර ගරාජ් එකේ වැඩද නැත්නම් වෙන තැනකද? මගේ මහත්තයා නම් ලොකු කම්පැනියකට බ්රාන්ච් මැනේජර් කෙනෙක්. ඉන්න මම අඳුන්වලා දෙන්නම්. අසන්ක මේ මගේ ඉස්කෝලේ යාළුවෙක්. මේනකා ඈත පොඩි බබෙක් එක්ක රැල්ල පාග පාග හිටපු සිය සැමියාට කතා කරා."
ආ සම්පත් සර් කොහෙද මෙහෙ? සර් මගේ වයිෆ්ව අඳුනනවද? මේනකා මේ තමයි මගේ බොස්. දෙන්නගේ කතාව අදහගන්න නොහැකිව කරකියාගන්න දෙයක් නැතිවුන මේනකා ඇත්තටම අසාර්ථක කවුරුන්දැයි කල්පනා කරන්නට වුනා.
මෙවැනි ආකාරයේ කතාවන් තවත් ඉදිරියට අරගෙන එන්න නම් පොඩිවට කොමෙන්ට් එකක් දාගෙන යමු.
- Get link
- X
- Other Apps

Comments
Post a Comment