අත්යවශ්ය ආහාර ද්රව්යවල මිල 20% – 25% කින් පමණ ඉහළ යෑමේ අවදානමක් ! ආනයනකරුවන්ගෙන් අනතුරු ඇඟවීමක්
- Get link
- X
- Other Apps
අත්යවශ්ය ආහාර ද්රව්යවල මිල 20% – 25% කින් පමණ ඉහළ යෑමේ අවදානමක් ! ආනයනකරුවන්ගෙන් අනතුරු ඇඟවීමක්
ගෝලීය දේශගුණික විපර්යාස සහ මැදපෙරදිග කලාපයේ පවතින අර්බුදකාරී තත්ත්වය හමුවේ, ඉදිරි මාස කිහිපය තුළ ආනයනික අත්යවශ්ය ආහාර ද්රව්යවල මිල සියයට 20ත් 25ත් අතර ප්රමාණයකින් ඉහළ යා හැකි බවට අත්යවශ්ය ආහාර ද්රව්ය ආනයනකරුවන් සහ ව්යාපාරිකයන් අනතුරු අඟවයි.
සඳහන් වන ආකාරයට එල්නිනෝ දේශගුණික විපර්යාසය හේතුවෙන් ගෝලීය කෘෂිකර්මාන්තයට එල්ල වී ඇති බලපෑම මෙන්ම, ප්රධාන ආහාර නිෂ්පාදක රටවල් තම දේශීය පරිභෝජනය සුරක්ෂිත කර ගැනීම සඳහා අපනයන සීමා පැනවීම මෙම මිල ඉහළ යාමට ප්රධාන හේතුව වී තිබේ.
මීට අමතරව, ජාත්යන්තර නාවික ප්රවාහන හා වෙළඳ කටයුතුවලට බාධා එල්ල වීම නිසා දැනටමත් නාවික ප්රවාහන ගාස්තු සියයට 20ත් 30ත් අතර ප්රමාණයකින් ඉහළ ගොස් ඇති බව ආනයනකරුවෝ පෙන්වා දෙති.
මෙම ගෝලීය තත්ත්වය පිළිබඳව අත්යවශ්ය ආහාර ද්රව්ය ආනයනකරුවන්ගේ සහ වෙළඳුන්ගේ සංගමය විසින් වෙළඳ අමාත්ය වසන්ත සමරසිංහ වෙත ද නිල වශයෙන් දැනුවත් කර ඇත.
ආනයනකරුවන් පෙන්වා දෙන ආකාරයට, ඉන්දියාව දැනටමත් සීනි අපනයනය තහනම් කර ඇති අතර, ඒ හේතුවෙන් බ්රසීලය වැනි දුර බැහැර රටවලින් සීනි ආනයනය කිරීමට සිදුවීම නිසා ප්රවාහන පිරිවැය මෙන්ම කාලයද අධික ලෙස ඉහළ ගොස් තිබේ.
මීට අමතරව, ඉන්දියාව ඉදිරියේදී ලොකු ලූනු අපනයනයටද සීමා පැනවීමට සූදානම් වන බවට වාර්තා වී ඇති අතර, එවැනි තත්ත්වයක් උදා වුවහොත් නෙදර්ලන්තය වැනි දුර රටවලින් ලූනු ආනයනය කිරීමට සිදුවන බවත්, එවිට අධික නාවික ගාස්තු හේතුවෙන් මෙරට වෙළඳපොළේ ලූනු මිල අතිශයින් ඉහළ යනු ඇති බවත් එම සංගමයේ ප්රකාශකයෙක් සඳහන් කළේය.
ශ්රී ලංකාව තම දේශීය පරිභෝජනය සඳහා අවශ්ය පරිප්පු, සීනි, තිරිඟු, ඇතැම් සහල් වර්ග සහ ටින් මාළු ඇතුළු අත්යවශ්ය ද්රව්ය රැසක් තවදුරටත් ආනයන මත යැපෙන බැවින්, මෙම අර්බුදකාරී තත්ත්වය මෙරට වෙළඳපොළට සහ පාරිභෝගිකයන්ට සෘජුවම බලපානු ඇතැයි පුරෝකථනයව තිබේ.
Copied
- Get link
- X
- Other Apps

Comments
Post a Comment