සැමියා අන්ධ වුන නිසා වෙන මිනිහෙක් එක්ක ගිය බිරිඳට වසර 4කට පසු දුටු දේ නිසා දෙවියන් සිහිවෙයි
- Get link
- X
- Other Apps
වෛද්යවරයෙකු වීමට සිහින දැකීමට බොහෝ දෙනා පටන් ගන්නේ කුඩා අවධියේ සිටයි. පොඩි පන්තියකදී ගුරුවරයෙක් ලොකු වුනාම වෙන්නේ කවුද කියල අහපුවාම වැඩිම ළමයි පිරිසක් පවසන්නේ ලොකු වෙලා වෛද්යවරයෙකු වීමට කැමති බවයි.
වැඩිහිටි වියට පත්වෙද්දී වෛද්යවරයෙකු වීම බොහෝදෙනාගේ සිහින දැකීමෙන් ඉවත් වුනත් ඒ සදහා සමහර සිසුන් ඒ වෙනුවෙන්ම කැපවීම් කරනවා. වෛද්යවරයෙකුට සමාජයේ ඇති පිලිගැනීම නිසාම ඇතැමුන් වෛද්ය වෘත්තීයට කැමති අතර තවත් ඇතැමුන් සැබෑවටම වෛද්ය වෘත්තීයට ප්රිය වීමත් රෝගීන් පිළිබඳ ඇති කරුණාවත් නිසාම වෛද්ය වෘත්තීය තෝරා ගන්නා අවස්ථාද ඇත.
ලෝකයේ තියෙන ඉතාමත් ගෞරවනීය සහ සුවිශේෂීම වෘත්තියක් තමයි වෛද්ය වෘත්තිය කියන්නේ. සමාජයෙන් ලැබෙන ඉහළ පිළිගැනීම සහ ගෞරවය නිසාම, වෛද්යවරයෙක් සමඟ විවාහ වෙන්න ඕනෑම තරුණියක් දෙවරක් නොසිතා කැමති වෙනවා.ඉතින්, මේ වගේ ඉතාමත් සාර්ථක, සුවපහසු සහ සුන්දර ජීවිතයක් ගත කරපු ජනප්රිය වෛද්යවරයෙක් අපේ කතාවෙත් හිටියා. සමාජයේ තිබුණු ඉහළ පිළිගැනීම නිසාම දිනපතා විශාල රෝගීන් ප්රමාණයක් ප්රතිකාර ලබාගන්න ඔහු සොයාගෙන පැමිණියා.
ආදරණීය බිරිඳක් සහ සාර්ථක වෘත්තීය ජීවිතයක් හිමි කරගෙන, සතුටින් කාලය ගත කරපු මේ වෛද්යවරයාගේ ජීවිතය එක රැයකින් උඩුයටිකුරු වෙයි කියලා කවුරුත් හිතුවේ නැහැ.හිටිහැටියේම ඔහුට නොසිතූ අභියෝගයකට මුහුණ දෙන්න සිද්ධ වුණා. ඒ තමයි ඔහුගේ ඇස් පෙනීමේ ඇති වුණු දුර්වලතාවය. මුල් කාලයේදී පෙනීම ටිකෙන් ටික අඩු වෙද්දී, ඔහු ඒ සඳහා සුළු ප්රතිකාර ක්රම අනුගමනය කළා. ඉන් යම් සහනයක් ලැබුණත්, කාලයත් එක්ක මේ ඇස් රෝගය දිගින් දිගටම දරුණු වෙන්න පටන් ගත්තා.
මේ තත්ත්වය ඔහුගේ ආදරණීය වෘත්තීය ජීවිතයටත් එල්ල කළේ ලොකු තර්ජනයක්. අවසානයේදී මුළු ලෝකයම කම්පා කරවන ඒ අවාසනාවන්ත දවස උදා වුණා. දිනක් උදෑසන ඔහු නින්දෙන් අවදි වන විට, ඔහුගේ මුළු ලෝකයම අඳුරෙන් වැසිලා තිබුණා. නැවත කිසි දිනෙක මේ සුන්දර ලෝකය දකින්නට නොලැබෙන සේ ඔහුගේ දෙනෙත් සදහටම අන්ධ වී තිබුණා...
තමන්ගේ දෙනෙත් අන්ධ වුණත් ඔහු උත්සාහය අත්හැරියේ නැහැ. සුවයක් බලාපොරොත්තුවෙන් දීර්ඝ කාලයක් තිස්සේ රෝහල්ගත වෙලා නේවාසිකව ප්රතිකාර ලබාගත්තත්, අවාසනාවකට වගේ ඔහුගේ මේ දරුණු ඇස් රෝගයට කිසිදු සුවයක් ලැබුණේ නැහැ. මේ හේතුව නිසාම, එතෙක් කලක් තමන් පණ වගේ ආදරය කරපු, රෝගීන්ට සුවය සැලසූ ඔහුගේ වෛද්ය වෘත්තියට සදහටම තිත තියන්න ඔහුට සිද්ධ වුණා.
වෘත්තීය ජීවිතය සම්පූර්ණයෙන්ම නතර වුණත්, ඔහු ඒ වන විටත් සාර්ථක වෛද්යවරයෙක් ලෙස විශාල මුදලක් උපයාගෙන තිබුණු නිසා ඔහුට ලොකු ආර්ථික අපහසුතාවයකට මුහුණ දෙන්න සිදු වුණේ නැහැ. දේපළ, සල්ලි බාගෙන් අඩුවක් නොතිබුණත්, දෙනෙත් නොපෙනෙන මේ වෛද්යවරයාගේ මුළු දවසම ගත වුණේ නිවසේ කාමරයකට විතරක් කොටු වෙලා, තනිවම කල්පනා කරමින්.සියල්ල අහිමි වෙමින් ගිය ඔහුගේ මේ අඳුරු ජීවිතය තවත් අමිහිරි, ඛේදජනක එකක් බවට පත් කරමින් ඊළඟට සිද්ධ වුණේ ඔහු හීනෙකින්වත් නොසිතපු දෙයක්.
ඒ තමයි, තමන් පණටත් වඩා ආදරය කරපු ඔහුගේ ආදරණීය බිරිඳ, කිසිදු හිතක් පපුවක් නැති විදිහට හිටිහැටියේම ඔහුව දාලා යන්න ගිය එක. දෙනෙත් අන්ධ වෙලා, අසරණ වෙලා ඉන්න මොහොතක. තමන් පණ වගේ ආදරය කරපු බිරිඳ, තමන් සදහටම අන්ධ වුණු බව දැනගත් සැනින් වෙනත් පුරුෂයෙකු සොයා යෑම වෛද්යවරයාට දරාගත නොහැකි මාරාන්තික පහරක් වුණා. ඉන්පසුව මුළු ලෝකයෙන්ම හුදකලා වුණු ඔහු, නිවසේ මෙහෙකරුවෙකු සමඟ පමණක් අසරණව කාලය ගත කළා.
මේ අවාසනාවන්ත තත්ත්වය ආරංචි වුණු ඔහුගේ ළඟම මිතුරෙක් වහාම වෛද්යවරයා සොයා පැමිණියා. ඔහු වෘත්තියෙන් දක්ෂ මාර්ග උපදේශකයෙක්. තමන්ගේ මිතුරාව මේ මානසික අගාධයෙන් මුදවා ගැනීමේ අරමුණින්, ඔහු තමන්ගේ රාජකාරි පවා දින කිහිපයකට නතර කරලා වෛද්යවරයා සමඟ නතර වුණා. මානසික ඒකාග්රතාවය සහ ධනාත්මක චින්තනය ඉතාමත් ඉහළින්ම ඉගැන්වීමට දක්ෂ මේ මිතුරා, වෛද්යවරයාගේ බිඳ වැටුණු මනස ටිකෙන් ටික ගොඩනැඟුවා. දෙනෙත් පමණක් නොව, දෑත් දෙපා පවා නොමැති මිනිසුන් ජීවිතය ජය ගන්නා අයුරු පෙන්වා දෙමින්, වෛද්යවරයාගේ මානසික ශක්තිය පෙර තිබුණටත් වඩා බලවත් කළා.
මිතුරාගේ දිරිබැන්වීම් නිසාම, කෙටි කලකින් මේ වෛද්යවරයා නැවතත් රෝගීන්ට ප්රතිකාර කිරීම ආරම්භ කළා. තමන්ට දෙනෙත් නොපෙනුණත්, රෝගීන් පවසන රෝග ලක්ෂණවලට ඉතාමත් සංවේදීව සවන් දෙමින් ඔහු නිවැරදිවම රෝග විනිශ්චය කර ප්රතිකාර නියම කළා. කාලයක් යද්දී මේ "අන්ධ වෛද්යවරයා" පිළිබඳව රට පුරා ප්රසිද්ධ වුණු අතර, ඔහු කරා විශාල රෝගීන් පිරිසක් ඇදී ආවා. වඩාත්ම සුවිශේෂී දේ වුණේ, තමන් ලැබූ දුක් ගැහැට නිසාම ඔහු අසරණ රෝගීන් වෙනුවෙන් නොමිලේ ප්රතිකාර කිරීමට පටන් ගැනීමයි.
ඔන්න ඔහොම කාලය ගෙවෙද්දී, එක්තරා දවසක ශරීරයේ පහළ කොටස සම්පූර්ණයෙන්ම පණ නැති වුණු රෝගී සැමියෙකු සහ බිරිඳක් මේ වෛද්යවරයා සොයාගෙන පැමිණියා. දැඩි ආර්ථික අර්බුදයකින් බැටකමින් සිටි ඔවුන් පැමිණියේ නොමිලේ ප්රතිකාර ලබාගැනීමේ අරමුණින්.නමුත්, වෛද්යවරයා ඉදිරියට පැමිණි ඒ කාන්තාව වෛද්යවරයාව දුටු සැණින් ගල් ගැසී මහා පුදුමයකට පත් වුණා!
ඇය කතා කරන ස්වරයෙන් සහ ඇගේ හැසිරීමෙන්, තමන් අන්ධ වූ නිසා එදා තමන්ව දමා ගිය තමන්ගේම පෙර බිරිඳ ඇය බව හඳුනාගන්න වෛද්යවරයාට වැඩි වෙලාවක් ගියේ නැහැ. තමන් එදා කළේ මහා වරදක් බව වටහාගත් ඇය, වෛද්යවරයාගේ දෙපා මුල වැටී කඳුළු සලමින් සමාව යැද්දා. ඕනෑම බලවත් මිනිසෙකු රෝගියෙකු වූ විට පත්වන අසරණකම තමන්ගේම ජීවිතයෙන් අත්දැක තිබූ ඒ උතුම් වෛද්යවරයා, ඇය කෙරෙහි වෛරයක් ක්රෝධයක් ඇති කරගත්තේ නැහැ.
ඔහු තම පෙර බිරිඳගේ රෝගී ස්වාමියාට නොමිලයේම ප්රතිකාර කිරීමට එකඟ වුණා පමණක් නොවෙයි, ජීවත් වීමට අසීරු තත්ත්වයේ සිටි ඒ යුවළව තමන්ගේම නිවසේ නතර කරගත්තා.කෙටි කලක් යද්දී වෛද්යවරයාගේ සුවිශේෂී ප්රතිකාර නිසා ඇගේ වර්තමාන සැමියා සම්පූර්ණයෙන්ම සුවය ලැබුවා. ඔවුන්ට නැවතත් සාමාන්ය පරිදි ජීවත් වීමට අවශ්ය පසුබිම සකසා දුන් මේ උතුම් මනුෂ්යයා, එතැන් පටන් දිනපතාම තමන් වෙත පැමිණෙන අසරණ රෝගීන් වෙනුවෙන් තම මෙහෙවර නොමිලේම ඉටු කළා.
- Get link
- X
- Other Apps

Comments
Post a Comment